(१) नियम १० बमोजिम प्रमाणपत्रको मान्यता रद्द भएको संगठित संस्थाले पुन बिमा व्यवसाय गर्न चाहेमा नियम ७ बमोजिम बिमकको रूपमा आफ्नो नाम दर्ता गराउनको लागि पुन निवेदन दिनुपर्ने छ ।
(२) उपनियम (१) बमोजिम कुनै संगठित संस्थाको निवेदन परेमा समितिले
संगठित संस्थाले बिमकको रूपमा बिमा व्यवसाय संचालन गर्दा ऐन, यस नियमावली र समितिले समय–समयमा दिएको निर्देशनका अधीनमा रही पेशागत आचरणको पालन गरे नगरेको समेत जाँचबुझ गरी उपयुक्त देखेमा नियम ७ मा उल्लिखित दस्तूरका अतिरिक्त पच्चीस हजार रुपैयाँ थप दस्तूर समेत लिई त्यस्तो संगठित संस्थाको नाम दर्ता किताबमा पुन दर्ता गरी सो संगठित संस्थालाई नयाँ प्रमाणपत्र दिनुपर्ने छ ।